Тожикистоннинг "Истиқлол" жамоаси футболчиси "Локомотив" шифокорлари ёрдамида жароҳатидан фориғ бўлди

"Спортимиз тиббиётидаги энг долзарб муаммо – жароҳатдан кейин малакали реабилитация ўташ тизими йўқлиги!

Ҳали-ҳануз тайинли реабилитация маркази ва мутахассислар йўқлиги сабаб жароҳат олган профессионаллар сафга қайтиш учун чет элларда клиника ва мутахассис қидириб сарсон; қўшни давлат спортчиларида ҳам шу муаммо. 

Жароҳат олган футболчиларини Европадаги клиникаларга юборишни одат қилган тожикларнинг чемпион клуби "Истиқлол" бу гал бошқача қарорга келди. Клуб ўзининг асосий таркиб футболчиси, терма жамоа аъзоси, жароҳатдан кейин жарроҳлик амалиёти ўтказилган оёғидаги тиббий муаммодан фориғ бўла олмаётган Искандар Жалилов реабилитациясини Тошкентда ўтказиш учун "Локомотив" клуби ва каминага илтимос билан чиқишди. 2 ҳафталик комплекс муолажалар пировардида жароҳатдан буён одатий юришга қийналаётган Искандар майдондаги машғулотларга тайёр ҳолатга келди.

Бир орзуим бор – нафақат ўзимизнинг, балки бизга қўшни барча ўлка спортчилари фақат бизда реабилитация ўта олиш имкони бўлган марказ яратиш", - деб ёзди у ўз саҳифасида.