Тоҳир Кападзе: "Нўъмон Ҳасанов "Қўқон-1912"га бош мураббий этиб тайинланди"

"Нефтчи"ни ғалаба билан табриклайман. Иккала жамоа ҳам бор маҳоратини ишга солди. Бугун рақиб кўпроқ гол уриб ғалаба қозонди. "Қўқон-1912" футболчиларига ҳеч қандай эътирозим йўқ. Пенальти бормиди ёки йўқмиди ҳозир бир нарса дея олмайман. Сўнгги дақиқада гол урганимизда қимматли очкога эга чиқарди. Ҳозирги вазиятда бизга 1 очкога катта ёрдам берарди.

Жамоада молиявий ҳолат жойида. Ҳеч қандай қийинчилик йўқ. Бошқа клубларга қарши бугунгидек ўйнасак ғалаба қозонамиз. "Нефтчи" кучли жамоа. Биз инқирозда эмасмиз, шунчаки тақвим бизга ноқулай келган. Масалан кейинги турларда "Шўртан" ва "Сўғдиёна"ни қабул қиламиз. Худо хоҳласа бу рақибларни мағлуб этамиз.

Отабек Ҳайдаровда жароҳати бор эди. Нўъмон Ҳасанов жамоамизда бош мураббий бўлди. Душанба куни у ўз фаолиятини бошлайди. Бугунги баҳсни у стадиондан кузатиб борди, - дейди Кападзе.


"Қўқон-1912" матбуот хизмати