Тен Ҳагни бўшатиш ва Аморимни олиб келиш МЮга қанчага тушди?
29 ноя 2024 12:04
Янгиликлар

Тен Ҳагни бўшатиш ва Аморимни олиб келиш МЮга қанчага тушди?

"Манчестер Юнайтед" собиқ бош мураббий Эрик тен Ҳагни истеъфога чиқариш ва шартномани муддатидан олдин бекор қилиш учун 10,4 млн фунт сарфлади.

Бу ҳақда журналист Бен Жейкобс хабар бермоқда.

Бундан ташқари, МЮ жамоанинг амалдаги бош мураббийи Рубен Аморим ва унинг штаби учун "Спортинг"га 11 млн фунт тўлаган. Шу тариқа манкунианлар мураббийни алмаштириш учун жами 21,4 млн сарф этган.

Эслатиб ўтамиз, "Юнайтед" мавсум бошида қониқарсиз натижалар туфайли Тен Ҳагни ишдан бўшатганди. "Манчестер Юнайтед" шу кунгача Аморим бошчилигида 2 та ўйин ўтказди – "Ипсвич"га қарши ўйинда 1:1 ҳисобида дуранг, "Будё-Глимт"га қарши баҳсда 3:2 ҳисобида ғалаба қайд этилди.

Манкунианлар айни пайтда 16 очко билан АПЛ турнир жадвалида 12-ўринда бормоқда. "Юнайтед"нинг навбатдаги ўйини 1 декабрь куни "Эвертон"га қарши кечади.

Ҳавола :

Манба : twitter.com/JacobsBen

Янгиликларни Телеграмда ўқинг!

Рейтинг: +4