"Шаҳарликлар"нинг фикрича, янги график "Арсенал" билан кечаётган чемпионлик курашига бевосита салбий таъсир кўрсатади.
АПЛ томонидан тасдиқланган янги тақвимга кўра, Пеп Гвардиола шогирдлари 13 майдан 19 майгача бўлган 7 кун ичида нақд 3 та муҳим учрашувда майдонга тушишларига тўғри келади. Жамоанинг май ойидаги ўйинлар рўйхати қуйидагича кўриниш олди:
4 май: "Эвертон" (меҳмонда)
9 май: "Брентфорд" (уйда)
13 май: "Кристал Пэлас" (уйда)
16 май: "Челси" (Англия Кубоги финали, "Уэмбли")
19 май: "Борнмут" (меҳмонда)
24 май: "Астон Вилла" (уйда)
"The Times" нашрининг ёзишича, "Манчестер Сити" раҳбарияти АПЛ тақвим тузишда ўз принципларига амал қилмаганидан ғазабга келган. Клуб ўз таклифларини киритган бўлса-да, лига уларни рад этган. Хусусан, "Сити" "Кристал Пэлас" билан ўйинни олдинроққа кўчиришни сўраган эди, чунки бу ўйинни қолдириш кераклиги февраль ойидаёқ маълум бўлган.
Клуб мутасаддиларининг фикрича, бундай тиғиз график футболчиларнинг тикланишига халақит беради ва мавсумнинг энг ҳал қилувчи палласида жамоани ноқулай аҳволга солиб қўяди.
