Сульшер Брунунинг пенальтини ноаниқ амалга оширишида "Астон Вилла" футболчиларини айблади

"Қизил иблислар" устози Оле-Гуннар Сульшер ушбу ўйинда "Астон Вилла" ўйинчиларининг ўзини тутишларидан норози бўлди.

"Астон Вилла" ўйинчилари сўнгги дақиқадаги пенальти қўйилганда ҳакам ва Бруну Фернандешни ўраб олиб, қарорга бўлган норозиликларини намойиш қилишганди. Португалиялик футболчи эса, шундан сўнг пенальтини аниқ амалга ошира олмади.

"Менга уларнинг ўзларини тутишлари ёқмади. Футболчилар ҳакамни, Брунуни ўраб олишди ва футболчига таъсир ўтказишга ҳаракат қилишди. Бу аниқ иш берди. Бундай ҳолатларни кўриш ачинарли. 

Бруну - пенальтишунос. Афсуски, бу сафар ўхшамади. У руҳан жуда кучли ва бундай ҳолатни тезда унутади", -дейди Оле-Гуннар Сульшер.