Суҳроб Иззатов: "Нефтчи" билан ўйин бироз қийин кечди"
22 дек 2022 17:55
Янгиликлар

Суҳроб Иззатов: "Нефтчи" билан ўйин бироз қийин кечди"

Тошкентнинг "Бунёдкор" клуби янги мавсумга тайёргарликни давом эттирмоқда.

Жамоа мавсумолди тайёргарлик олдидан дастлабки назорат учрашувида "Нефтчи"га қарши баҳслашди. Баҳс 1:1 ҳисобида якунланди. Беллашувдан кейин "қалдирғочлар" аъзоси Суҳроб Иззатов фикрларига қулоқ тутдик.

"Нефтчи" билан ўйин бироз қийин бўлди. Негаки, жамоа анча вақтдан буён ўйнамаганди. Тайёргарлик жараёнидаги илк ўйинимиз бўлгани сабаб бошида бироз қийин бўлди.
Таркибимиз янада ёшартирилди. Ҳали камчиликларимиз кўп, лекин мавсум стартига қадар тўлиқ спорт формага тушиб олишимизга ишонаман. Ҳозирда кунига икки маҳалдан машғулотлар ўтказмоқдамиз. Бу орқали эса ҳолатимизни яхшилаб оламиз.
Албатта, таркибда йўқотишлар бўляпти. Кўп футболчилар жамоани тарк этди. Янги йилдан кейин таркибимиз кучайтирилишига ишонаман. Яхши футболчилар олиб келинади деб ўйлайман. Жамоа мавсумга ҳар томонлама яхши тайёргарлик кўради", – дея сўзини якунлади Иззатов.

Ҳавола :

Манба : championat.asia

Янгиликларни Телеграмда ўқинг!

Рейтинг: +1