Суҳайл Муҳиддин: "Ўзбекистонга кучли терма жамоаларга қарши тажриба орттириш учун келгандик"
04 окт 14:03
Янгиликлар

Суҳайл Муҳиддин: "Ўзбекистонга кучли терма жамоаларга қарши тажриба орттириш учун келгандик"

Футзал бўйича жаҳон чемпионати ярим финалидан ўрин олган Аргентинага қарши ўйиндан сўнг (2:3) Франция терма жамоаси аъзоси Суҳайл Муҳиддин сайтимизга интервью берди.

"Аргентинага қарши яхши ўйин ўтказдик. Учрашувдан олдин улар фаворит ҳисобланарли. Мақсадимиз беллашув давомида диққатни жамлаш, рақибдан эътибордан қочирмаслик эди. Афсуски, дабл-пенальти режаларимизни чиппакка чиқарди. Аргентинани ғалаба билан табриклаймиз ва бор эътиборимизни Украина билан ўтадиган ўйинга қаратамиз.
Биз биринчи маротаба жаҳон чемпионатида иштирок этяпмиз. Бу ерга кучли терма жамоаларга қарши тажрибамизни орттириш ва яхши натижага эришиш мақсадида ташриф буюргандик. Бизярим финалга чиқдик, бу катта натижа. Бундан хурсандмиз. Шерикларим билан биргаликда учинчи ўринни қўлга киритмоқчимиз", деди Муҳиддин.

Эслатиб ўтамиз, 6 октябрь куни Франция 3-ўрин учун Украина билан беллашади.

Оқил Абдубарноев суҳбатлашди.

Ҳавола :

Манба : championat.asia

Янгиликларни Телеграмда ўқинг!

Рейтинг: