Стерлинг фаолиятидаги қайси ҳолат уни афсуслантириши ҳақида гапирди

“Баъзида нима хоҳлаётганингни тушунишинг керак, футболчилик фаолияти қисқа, шу туфайли нима бўлишини олдиндан билмайсан. Доим ҳам тўғри бўладиган қарорни қабул қилолмайсиз. Баъзан бундай ўзгаришлар яхши томонга олиб боради.

Фаолиятим давомида афсусланадиган ягона ҳолат бу “Ливерпуль”ни қандай тарк этганим. Қолгани эса яхши. Ўшанда менинг мақсадларим клубники билан тўғри келмасди. “Ливерпуль”ни тарк этганимдан хафаман. Клуб менинг фаолиятим ва ҳаётимда катта рол ўйнаган ҳолда кўтарилишим учун улкан ҳисса қўшди. Ҳали ҳамон “Ливерпуль”га жуда яхши муносабатдаман”, дейди Стерлинг.