“Спартак” Ўруновни “Уфа”га қанчага сотмоқчилиги маълум

“Уфа” 20 ёшли футболчини ижарага олиб, унга москваликлар тўлаётган маблағни (600 минг евро йилига) қопламоқчи эди. Бироқ, “Спартак” бунга рад жавоб қилди.

“Уфа” Ўруновни 1 млн еврога сотиб олишга тайёр, аммо “оқ-қизиллар” унинг учун миллиондан кўпроқ суммани хоҳламоқда.

“Ўрунов билан боғлиқ вазият жуда қизиқ, чунки, “Спартак” “Уфа” уларга тўлашга тайёр бўлган миллион суммадан ортиғини қўлга киритмоқчи.

Мендаги маълумотларга кўра, мақсад айнан шундай. Миллионга ҳар бир ой учун яна 50 мингдан қўшилади, Ўрунов августдан декабргача олган маоши – 250 минг. Аниқроғи, 1 млн 250 минг.

“Спартак”га ўйинчи керак эмас, “Уфа”га эса зарур. Бироқ, йигитчани “Спартак-2”га ўтказишса, бу “Уфа”га қулайроқ бўлиши мумкин. Шамил Газизов “Спартак” билан шартномани бекор қилгани учун товон пулига эга бўлган”, дейди журналист Сергей Егоров.