"Бу пойдевор бўлиб, унинг устига нимадир қурса бўлади, чунки биз яхши ўйин кўрсатдик. Ҳатто ҳисоб 0:0 бўлиб турган пайтда ҳам "Ювентус" рақибни доимий равишда прессинг қилди ва ўйин суръатини оширишга ҳаракат қилди. Бизда тўғри ният ва интилиш бор эди, аммо, табиийки, қарор қабул қилишни яхшилашимиз ва бундай ўйинларда ҳеч кимдан рухсат сўраб ўтирмаслигимиз керак. Таклиф кутиб ўтириш ярамайди, майдонга тушиб, ўйинни бўғзидан олиш лозим.
Уларнинг мудофаа чизиғини ёриб ўтиш учун рақиб жарима майдони яқинига чиққанимизда айнан шу жиҳатда ўйинимизни кучайтиришимиз лозим. Шунингдек, вазиятлар яратиш устида ҳам ишлашимиз керак, чунки бундай қулай нуқталарга кўп бор чиқдик — фақатгина тўпни 5 сантиметр баландроқ кўтариш ёки чап оёқ ўрнига ўнг оёққа ташлаш етишмади холос. Айнан шу майда деталлар ўйин тақдирини ҳал қилиши мумкин.
Жамоада босимни давом эттириш учун куч бор эди, чунки у қувувчи ролида қолишга лойиқ эмасди. Шунга қарамай, улар худди шу кайфиятда давом этиш қатъиятини сақлаб қолишди ва ҳисобни тенглаштирган гол билан мукофотланишди.
"Милан" — буюк жамоа, бу аниқ. Биз ҳам буюк жамоага айлана оламиз, буни бугун яна бир бор кўрсата олдик. Шунинг учун мен бунга ишонаман ва бугунги ўйинлари учун футболчиларга миннатдорлик билдираман", – дея италиялик мутахассиснинг сўзларини келтиради DAZN.
"Ювентус" (3 та ўйиндан сўнг 7 очко) Италия чемпионати жадвалида 4-ўринни эгаллаб турибди. Жамоа 4-турда 12 сентябрь куни сафарда "Сассуоло"га қарши баҳс олиб боради.
