Учинчи куннинг иккинчи ўйинида "Когон" жамоаси "Максам-Чирчиқ"ни мағлубиятга учратди. Учрашувдан кейин когонликлар сардори Соҳиб Нарзуллаев фикрларини билдириб ўтди.
"Чирчиқликлар биз учун азалий ва ноқулай рақиб ҳисобланишади. Шунга қараб тайёргарлик кўрган эдик. Ғалабага бўлган кучли истак эвазига уч очкони қўлга киритдик, лекин бугун рақиб ҳам кучли ўйин кўрсатди.
Бугунги ўйинда биринчи навбатда омад биз томонда бўлди, иккинчидан мураббийимизнинг учрашувга танлаган тўғри тактикаси қўл келди. Бир нечта вазиятларда рақиб ўйновчи дарвозабон билан чиққанида тўп узоқ бурчакдаги футболчига етиб борди, бахтимизга ўша вазиятлар голга айланмади. Ҳисобимиз бўйича ўша паслар ўтмаслиги керак эди, лекин 2-3 ҳолатда ўтиб кетди. Бундай хатолар учраб туради", - дейди Соҳиб Нарзуллаев.
