Шота Арваеладзе: "Сурхон" билан ўйинда биз фаворит эдик"

Ўйиндан кейинги матбуот анжуманида "Пахтакор" бош мураббийи Шота Арвеладзенинг фикрлари қуйидагича бўлди. 

- Кубок ўйинлари ҳар доим қийин кечган. Чунки баҳс битта учрашувдан иборат. Лекин бугунги беллашувда биз фаворит эдик. Албатта, "Сурхон" ҳам ўзини кўрсатишга ҳаракат қилди. Бу жамоа бежизга аввалги босқичда "Локомотив"ни мусобақадан чиқариб юборгани йўқ. Шу боис бизга қарши баҳсда ҳам рақиб ўзини кўрсатишга ҳаракат қилди. Лекин негадир ўйин бирмунча секин кечди.

- Одатда Кубок баҳсида мураббийлар ўйин амалиёти кам футболчиларни синаб кўрадилар. Лекин сиз бугун асосий таркибни майдонга туширдингиз. Бу нима биилан боғлиқ? 

- Бу шу билан боғлиқки, биз Кубокнинг чорак финалида ўйин ўтказдик ва бу босқич битта учрашувдан иборат. Бундан ташқари Кубокни қўлга киритиш соврин учун энг қисқа йўл ҳисобланади. 

- Эртага қуръа ташланади. Ярим финалда ким билан тушишни хоҳлайсиз? 

- Мен фақат бир нарсани айтишим мумкин, финалда ўйнаб Кубокни кўтаришни хоҳлайман. Барча рақибларни ҳурмат қиламиз, аммо мақсадимиз Кубокни қўлга киритиш.