“Шўртан”га янги бош мураббий тайинланди

Бунгача бошқарув постида фаолият юритган Сергей Ковшов вазифасидан озод этилди.

Клуб раҳбарияти бош мураббийликка Асрор Алиқуловни қайтаришни маъқул кўрди. Ўтган йили ПРО-Лигада “Машъал”ни мустақил бошқариб, Суперлигага олиб чиққан Асрор Чориевич эндиликда Ғузор жамоасини ҳам кучлилар сафига қайтариш учун астойдил ишлайди.

Айтиш керакки, “Шўртан” жамоаси Алиқулов учун бегона эмас. Боиси 42 ёшли мураббий илгари ушбу жамоада ҳам футболчи, ҳам мураббий сифатида ишлаган. Олинган маълумотларга кўра, жамоани 2019 йил бўйича футболчилар ва ишчи ходимлардан қарздорлиги мавжуд. Жамоанинг янги мавсумга тайёргарликни қачондан бошлаши ҳозирча аниқ эмас.