- Ўйинни яхши бошладик, голга қадар тўп бизда эди, вазиятлар яратдик, зарбалар бераётгандик. Голдан кейин ҳам "руҳий чуқурликка" тушиб қолмадик ва яхши ўйнашда давом этдик. Иккинчи бўлимда эса голлар уриб олдик.
- Танаффусда мураббий томонидан қандай кўрсатмалар бўлди?
- Максим Шацких танаффусда кўпроқ зарба беришимиз кераклигини айтди. Биринчи бўлимда кам зарба берганимизни тушунтирди. Кўпроқ прессинг қилиб, тўпни олиб қўйишга ҳаракат қилишимиз керак эди.
- Энг муҳими жамоанинг ОЧЛда плей-оффга чиқиши учун имкониятлари сақланиб қолди.
- Қолди, лекин бу ўзимизнинг қўлимизда эмас. Кимларгадир қарар эканмиз, лекин жуда минимал экан. Барча айб ўзимизда, дастлабки икки турда йирик ҳисобларда ютқаздик. Имкониятларни кутамиз.
- Келаси мавсумда сизни жамоада кўрамизми?
- Шартномам бор.
- Ўзингизда хоҳиш борми?
- Таклифлар бўлса кўриб чиқилади. Лекин клуб билан яна бир йиллик шартнома бор.
- "Пахтакор"нинг ушбу мавсумда шу ҳолатида чемпион бўлиши ортидан кўплаб гап-сўзлар бўлди. Лекин "Пахтакор"нинг рақиблари ҳам бу имкониятни тақдим қилиб берди.
- Икки йилдан бери рақиблар ҳам анчагина кучайди. 2022 ва 2023 йилда "Пахтакор" чемпионлар каби ўйнагани йўқ. 2 мавсумда фақатгина 4-5 ўйинда чемпионлар каби ўйнагандирмиз. Қолган ўйинларда ўз даражасидан пастроқ бўлди. Рақиблар эса бундай ҳам бўлмади. Бунга эса биз айбдор эмасмиз.
