Сане Компани ҳақида: "Сити"да бирга ўйнаганимизда бир кун сенинг мураббийинг бўламан деганди. Афсуски, бу рўй берди"

"Биз у билан бирга "Сити"да ўйнаганимизда менга - "бир кун келиб сенинг мураббийинг бўламан", деб айтганди. Мен эса унга шундай жавоб бергандим: "Бундай бўлмайди!" Ҳозир эса бу рўй берди, афсуски (кулади). Йўқ, ҳазиллашдим. У бизнинг янги мураббийимиз бўлганидан мамнунман.

Венсан ўйинчи сифатида мутлақ етакчи эди. У олдинга интилишни хоҳлайдиган, тезлик ва ўйинни бошқаришни яхши кўрадиганлардан ҳисобланади. Ўйинчи сифатида у жамоадошларидан доим шу нарсаларни кутарди. Агар у шу нарсаларни "Бавария"га ҳам олиб кела билса, бу жуда ёқимли бўларди", - деди Мюнхен клуби вингери.