UZ

Сўнгги янгиликлар

00:28Бу қизиқ. Криштиану турмуш ўртоғига қанча маблағ ажратади?  1 00:05Спортчилар ижтимоий тармоқларда  0 00:04ЕЧЛ. "Атлетико" ва "Ливерпуль"нинг бошланғич таркиби билан танишинг  12 00:02ЕЧЛ. ПСЖ Дортмундда меҳмон бўлади (асосий таркиблар)  9 23:48"Ювентус" Кьеллини билан шартномани узайтиради. У клубда 15 йилдан бери ўйнайди  4 23:30Аллан машғулотларга қайтиш учун Гаттузодан узр сўради  0 23:11Яя Туре Хонданинг жамоадошига айланиши мумкин  2 22:56Икер Касильяс фаолиятини якунлади. У президент бўлади  17 22:35ОЧЛ-2020. Шукуров жамоасида жанговар дуранг, Манжукич ўйнаётган “Ал Дуҳайл” эса сафарда ютқазди (+жадвал)  28 22:17Хориж матбуоти: Яна бир муваффақиятсизликдан сўнг ўзбек футболини келажакда нима кутмоқда?  57 22:00Championat.asia сайтининг youtube.com'даги расмий каналига обуна бўлинг  0 21:50“Ман Сити” “Реал”, ПСЖ ва “Бавария”ни УЕФАга босим ўтказганликда айбламоқда  15 21:25Гуллит: “Ван Дейк “Олтин тўп”ни олиши керак эди”  11 21:00Моуринью: “Бундан баттари бўлмайди”  4 20:25“Леганес” раҳбари: “Ё “Барса” товон пулини тўлайди, ё бўлмаса Брейтуэйт қолади”  3

Самир Бекрич: “Бунёдкор” менинг қадрдон ва севимли жамоам” Янгиликлар

Самир Бекрич: “Бунёдкор” менинг қадрдон ва севимли жамоам”

Ривалдо давридан сўнг Тошкентнинг “Бунёдкор” клубида бир қатор кучли легионерлар тўп тепишган Сато Минори, Олександр Пишур, Иван Милошевич, Самир Бекрич, Шакер Зуаги...

Ушбу рўйхатни яна давом эттириш мумкин. Бу футболчиларнинг айримлари клубда узоқ қолишмади. Жумладан, босниялик Самир Бекрич бир ярим йил муддат ўйнаган бўлсада, эсда қоларли лаҳзаларни тақдим этди. Яқинда у билан ижтимоий тармоқ орқали боғланиб суҳбатлашдик. У суҳбат жараёнида Элдор Шомуродов мавзусига алоҳида тўхталиб ўтди.

- Салом Самир, ишлар қандай кетяпти? Қайси жамоада тўп тепяпсиз?

- Салом. Ҳаммаси яхши. “Бунёдкор”дан кейин Босниянинг “Железничар”да бир мавсум тўп тепдим. Сўнг мамлакатда ўз ўрнига эга “Зриньский” сафига қўшилдим. Айни дамда “Слобода” Тузла клуби аъзосиман.

- Ички чемпионат баҳслари савияси ва даражаси бўйича қитъанинг кучли лигалари билан тенглаша оладими? Томошабинларнинг футболга қизиқиши ва стадионларга ташрифи ҳусусида...

- Миллий чемпионат савияси ёмонмас. Кўплаб кучли ва маҳоратли футболчилар тўп тепишади. Терма жамоамиз ҳам 2014-йил Бразилия мундиалида қатнашди. У ерда биласиз юлдуз футболчилар кўп нарсани ҳал қилишга қодир. Масалан сардор Эдин Жеко, Миралем Пьянич, дарвозабон Асмир Бегович. Томошабинларга келсак, ҳамма жойда бўлгани каби стадионлардаги трибуналарни тўлдириб ишқибозлик қилишади.


- Келинг суҳбатимизни “Бунёдкор” жамоасидаги хотираларингиз билан давом эттирсак...

- Албатта. “Бунёдкор” менинг қадрдон ва севимли жамоам. Ҳар бир учрашувни кузатиб боряпман. Шунингдек Ўзбекистон миллий терма жамоасига бефарқ эмасман. Кўплаб футболчилар, дўстлар орттирдим. Бундан жудаям хурсандман. Рустам Ашурматов, Элдор Шомуродов, Отабек Шукуров, Сардор Рашидов, Достон Ҳамдамов каби иқтидорлар билан бир клубда бўлганимдан бахтлиман. Клубимдаги жамоадошларимга доим ўзбеклар ва у ердаги клублар ҳақида гапириб бераман. У ерда икки ажойиб йилни ўтказдим. Ҳамма-ҳаммаси учун уларга раҳмат айтаман. Ўйлайманки, насиб қилса яна тез орда учрашамиз. Умуман юртингиз ва Тошкент борасида гапларим кўп. Тўғриси барчангизни соғиниб қоламан.

- “Қалдирғочлар” сўнгги бор 2016 йил чемпионатимиз совриндорига айланганди. Лекин, шу вақтгача натижа қўлга киритилмади. Бироқ, клуб қошидаги академия муваффақиятли фаолият юритмоқда...

- Ҳа. Академияга гап бўлиши мумкин эмас. Эшитшим бўйича яқинда икки юлдузли номни олар экан. Кўп ёш футболчилар бор. Уларга вақт бериш керак, бир ёки икки йилдан сўнг натижа ҳам ижобий кўриниш олади ва мевасини беради. Юқорида келтирган номларим бунга яққол мисол. Кутиш лозим. Ишонч билан айта оламан жамоа кейинги йил бемалол чемпионлик учун курашади.

- Аслида “Машъал” тарбияланувчиси бўлган, катта футболчи сифатида эса пойтахтда танилган Элдор Шомуродовнинг “Ростов”да қайд этаётган кўрсаткичларидан хабардор бўлишингиз табиий...

- У нафақат клубида, терма жамоада ҳам кўплаб голлар киритяпти. Вадим Абрамов бош мураббий бўлганидан шодман. Шомуродовнинг Россиядаги ўйинларини кузатиб боряпман. Деярли ҳар бир ўйинда голларга муаллифлик қилмоқда. Мен ўйнаган пайт у ёш эди. Ҳозир эса юқори даражага чиқди. Унинг уша пайтдаги потенциалидан буни кутгандим. Аввалгидан кўра янада кучга тўлган.


Абдулазиз Искандаров суҳбатлашди

Рейтинг: +13   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг