— Ўйин шиддатли ва оғир кечди, — деди Самандар Шодмонов. — Ҳар икки жамоа ҳам бутун учрашув давомида жуда эҳтиёткор бўлиб ўйнади. Аслида бунақа баҳсда битта хато ўйин тақдирини ҳал қиларди. Шу куни рақиб дарвозабони Ўткир Юсупов жуда кўп вазиятларда маҳорат кўрсатиб, ўз жамоаси жонига оро кирди. Ўз майдонимизда қимматли очколарни бой бериб қўйганимиз жуда аламли бўлди. Энди бор эътиборимизни навбатдаги учрашувга қаратамиз. Жиззахда чиройли ўйин намойиш этиб, ўз мухлисларимизни қувонтиришга ҳаракат қиламиз.
«Қизилқум» ПФК Матбуот хизмати.
