Руслан Жиянов Россия клуби билан шартнома имзолагач "Олимпик"ка қайтади

Эшитдик-да! Жиянов Россияга кўчиб ўтди

Сайтимизга ушбу келишувнинг деталлари маълум бўлди. 21 ёшли футболчи тез орада "Нижний Новгород" (Пари НН) клуби билан бир неча йиллик шартнома имзолайди ва ижара асосида "Олимпик"ка қайтади. Келишувга кўра, Жиянов бошланажак мавсумни Тимур Кападзе жамоасида ўтказади. Лекин, рус клуби уни қишгача кутиб ўтирмай ёзда ҳам ижарадан қайтариб олиши мумкин бўлади. Буниси энди майда факторларга боғлиқ. Бундай йўл тутилишидан мақсад, олдинда турган Олимпиадага йўлланма берувчи Осиё чемпионати олдидан ОТЖнинг муҳим ўйинчиларидан бирини доимий ўйин амалиёти билан таминлаш.

"Пари НН" таркибида яна бир ўзбекистонлик ўйинчи Иброҳимҳалил Йўлдошев ҳам ҳаракат қилади.

"Олимпик" жамоаси бугундан йиғинни бошлади ва унда Руслан ҳам иштирок этмоқда. У аллақачон Россиядан қайтган ва жамоа ихтиёрига келиб қўшилган. Аммо, ҳали руслар билан шартнома имзоланмаган. Томонлар оғзаки келишувга эришишган.

Эслатиб ўтамиз, 2022 йилни "Олимпик" таркибида ўтказган 21 ёшли Жиянов 28 учрашувда 6та гол урган ва 4та голли пас берган.