"Ўйин сифатини инобатга олсак, бизда очколар кўпроқ бўлиши керак эди. Мағлуб бўлган айрим ўйинларни биз назорат қилдик, босимда ушладик, лекин очколарни бериб юбордик. Кўпроқ очко тўплай олмаганимиз бизни ғазаблантиради, айниқса "Эвертон"га қарши ўйин.
Биз янада яхшироқ ўйнашга қодирмиз. Сўнгги баҳсда янада яхшироқ ўйнай олардик. Ўйиндаги воқеликларни ҳисобга олсак, ғалаба қозонишимиз керак эди. Шу боисдан рақиб дарвозаси олдида кескинроқ бўлишимиз керак. Ғалаба қозона олмасак, клуб ичида нималар бўлаётганини яхши биламиз", - деди Аморим.
