ФИФА президенти Жанни Инфантино Россияга қўйилган тақиқ ҳеч қандай ижобий натижа бермаганини ва уни бекор қилиш кераклигини таъкидлади. "Sport24" нашрининг хабарига кўра, ташкилотнинг 30 апрель куни Ванкуверда ўтадиган конгрессида Россияни халқаро майдонга қайтариш масаласи кўриб чиқилади.
Муҳокама қилинаётган асосий жиҳатлар:
- Россия асосий терма жамоасидан ташқари, ўсмирлар, ёшлар ва аёллар жамоаларининг ҳам қайтиши кўриб чиқилмоқда.
- Россиянинг тўлақонли мақомда — миллий байроқ ва мадҳия билан иштирок этиш варианти ҳам истисно этилмаяпти.
- Ижобий қарор қабул қилиниш эҳтимоли юқори баҳоланмоқда ва бу апрель ойининг ўзидаёқ амалга ошиши мумкин.
Ҳозирча асосий тўсиқ сифатида хавфсизлик масаласи қолмоқда. ФИФА ўйинларни нейтрал майдонларда ёки хавфсизлик таъминланган Россия шаҳарларида ўтказиш вариантларини ҳам таҳлил қилмоқда. Россия делегацияси апрель ойидаги конгрессга расмий таклифнома олган.
