"Championat.asia"нинг "Эшитдик-да" рукни ЖЧ-2022ни ҳам забт этмоқда. Олдинроқ сайтимизда эксклюзив тарзда Португалия – Уругвай учрашувидан кейин португалияликлар сардори Криштиану Роналду олдига икки нафар юрист келгани, юристлар қайсидир клубдан шартнома билан келгани ва футболчи у билан танишиб чиққани ва бу катта эҳтимол билан Саудия Арабистонининг "Ал Насср" клубига тегишли битимлиги айтилган эди.
Marca берган маълумотларга кўра, Роналду "Ал-Насср" билан 2 йиллик битимга имзо чеккан. Йиллик маош эса 200 млн. еврони ташкил қилади. Шундай қилиб, Криштиану 1 январдан Саудия Арабистони клуби шарафини ҳимоя қилади.
Маълумот учун, "Ал Насср" клуби сафида ўзбекистонлик Жалолиддин Машарипов тўп тепмоқда.
