"Рома" Дестни "Барселона"дан харид қилиши мумкин

Римликлар ёзда мудофаа чизиғини яхшилашмоқчи, шу сабаб 21 ёшли америкалик билан шартнома имзолаш имкониятини ўрганмоқда.

Футболчининг ўзи фаолиятини "Рома"да давом эттиришга қарши эмас, сабаби бош мураббий Жозе Моуринью билан ишламоқчи.

"Барса" ҳимоячини 20 миллион еврога қўйиб юборишга тайёр.

Дест жорий мавсум "Барселона" таркибида 22та ўйинда майдонга тушиб, 3та ассист қайд этди. Ҳимоячининг Каталония клуби билан шартномаси 2025 йилнинг 30 июнига қадар мўлжалланган.