Родриго: "Мен бошланғич таркибда ўйнашни истайман"

Мадрид клубининг бразилиялик иқтидорли ўйинчиларидан бири Родриго ўзини асосий таркиб футболчиси бўлиши керак, деб ҳисоблайди.

"Мен хотиржам бўлишга ҳаракат қиламан. Мен доим ўйнашни хоҳлайман ва мураббийга ўйнашим кераклигини айтаман. У менга хотиржам бўлишим кераклигини айтади.

Мен уни ҳурмат қиламан, чунки бизда жуда яхши ўйинчилар бор. Майдонга чиққанимда жамоага ёрдам бераман ва мен асосий ўйинчилардан бири бўлишни истайман.

Мен Анчелотти билан жуда яхши муносабатдаман, у буюк мураббий. У ҳар доим менга ёрдам беради", – деди Родриго Гоэс.