Регламентда янгилик! Бу йилдан ўринбосарлар баҳси асосий таркибдан эртаси кун ўтказилади

Янги регламентда баъзи янгиликлар бор. Шулардан бири - U-21 чемпионати, яъни халқона тил билан айтганда, ўринбосарлар баҳси бу йилдан эътиборан асосий таркиб жамоаларидан бир кун кейин ўтказилади. 

Маълумки, шу пайтгача ўринбосарлар асосий таркибдан бир кун олдин ўйнаб келаётганди. Эндиликда U-21 чемпионати Суперлига учрашувидан эртаси куни бўлиб ўтади. Агар қайси жамоанинг ўринбосарлар ўйнайдиган стадиони талабга жавоб бермаса, ўша жамоа уй учрашувларини асосий таркиб стадионида ўтказади. Бу ҳақда ҳам регламентга ёзиб қўйилди. 

U-21 чемпионатида бу йил ҳам фақат Суперлига клубларининг ўринбосарлар жамоаси иштирок этади.