"Реал"нинг кейинги мавсум учун трансфер режалари маълум бўлди

"Реал" келаси мавсум учун таркибини жиддий равишда кучайтиришни режалаштирмаяпти. Бу ҳақда "Marca" хабар бермоқда.

Таркиб жиддий ўзгармаслигини ҳисобга олсак, "қаймоқранглилар" Карло Анчелоттини бош мураббий сифатида сақлаб қолишни режалаштирмоқда. Мутахассис жамоа билан яхши тил топишади, шунинг учун "бланкос" уни бошқасига алмаштириш учун асос кўрмаяпти. Бундан ташқари, италиялик мутахассис клубнинг режалари муҳокама қилинадиган барча йиғилишларда қатнашмоқда.

Аввалроқ "Атлетико" яна "Реал" футболчиси билан шартнома имзолашга уриниб кўрмоқчи эканлиги маълум бўлган эди.