Ҳозирда "Лион"да ижара асосида ўйнаётган 19 ёшли бразилиялик футболчи қайтишни хоҳламоқда ва "Реал" футболчига имконият беришга тайёр. Якуний қарор бош мураббий билан боғлиқ вазият бартараф этилгандан сўнг қабул қилинади.
Эндрик январь ойида "Реал"дан "Лион"га ижарага ўтганди. Футболчи Франция клуби сафида 18 та ўйинда 7 та гол урди ва 7 та голли узатмани амалга оширди.
Бразилияликнинг "Реал" билан амалдаги шартномаси 2030 йилгача мўлжалланган. Transfermarkt портали футболчининг нархини 35 миллион еврога баҳоламоқда.
