"Қаймоқранглилар" инглиз футболчиси билан ҳамкорликни узайтириш бўйича музокараларни ЖЧ-2026 якунланиши биланоқ бошлайдилар. Бу ҳақда журналист Грэм Бэйли ўз ижтимоий тармоқларида маълум қилди.
Бундан олдинроқ, Моуринью Беллингемни жамоанинг муҳим бўғини сифатида кўраётгани ва унинг асосий таркибдаги ўрнини шубҳа остига қўймоқчи эмаслиги хабар қилинганди.
Ўтган мавсумда Беллингем барча турнирларда 40 та ўйинда иштирок этиб, саккизта гол ва бешта голли узатма билан ажралиб турди. Футболчининг клуб билан амалдаги меҳнат шартномаси 2029 йилнинг ёзигача мўлжалланган. Transfermarkt порталида тақдим этилган маълумотларга кўра, футболчининг трансфер қиймати 130 миллион еврони ташкил этади. Айни пайтда Жуд Англия терма жамоаси ихтиёрида ЖЧ-2026 да иштирок этмоқда, унинг миллий жамоаси аллақачон турнирнинг чорак финалига етиб келган.
