"Реал" 2020 йилда 30 млн. еврога сотиб олиб, бирор марта майдонга тушмаган футболчисини сотмоқчи

Маълумотларга кўра, Мадрид клуби 2020 йилда футболчи учун тўланган 30 млн. евронинг бир қисмини бўлса ҳам қайтариш умидида.

Рейньер "Реал" сафида бирорта ўйин ўтказмади. У 2020 йилдан бери ижарада "Боруссия", "Жирона" ва "Фрозиноне" шарафини ҳимоя қилди.

"Қироллик клуби" бразилияликнинг навбатдаги ижарасини кўриб чиқиши мумкин, аммо футболчини сотишга умид қилишмоқда.