Расмий хабар: Жасур Жалолиддиновнинг янги клуби маълум
25 окт 2024 15:55
Янгиликлар
Расмий хабар: Жасур Жалолиддиновнинг янги клуби маълум
Ўзбекистонлик ярим ҳимоячи яна легионерга айланди.
Озарбайжоннинг "Сумгаит" клуби Жасур Жалолиддинов билан шартнома тузилгани ҳақида эълон қилди. Ўзбекистонлик футболчи янги клубда 77-рақамда ўйнайдиган бўлди.
22 ёшли футболчи бунга қадар "Бунёдкор", "Локомотив" Москва, "Тамбов", "Андижон", "Локомотив" (Тошкент), "Қайрат", "Олимпик" ва "Нефтчи" клубларида тўп тепган.
Маълумот учун, "Сумгаит" 2010 йилда ташкил этилган. Ўз уй ўйинларини 15350 томошабинга мўлжалланган "Сумгаит Сити" стадионида ўтказиб келмоқда.
Айни пайтда ушбу клубда ўзбекистонлик футбол мухлисларига яхши таниш бўлган ҳужумчи Сильванус Нимели ва ҳимоячи Милош Милович тўп тепмоқда. "Сумгаит" Озарбайжон чемпионатида 10 та ўйиндан 7 очко тўплаб, 10 та клуб орасида 8-ўринда бормоқда.

Ўхшаш янгиликлар
championat.asia
U-17 ЖЧ. Ўзбекистон Италияга ютқазиб, иштирокини нимчорак финалда якунлади
Al Ain Cup. Ўзбекистон пенальтилар сериясида Эронни мағлуб этиб, турнир ғолибига айланди
"Шармандалик, бу шармандалик!"
Португалия ЖЧ йўлланмасини қўлга киритганидан сўнг Роналду қисқа фикр билдирди
Фикрлар