Жалолиддин Машариповга водий жамоаларидан қизиқиш бор, бироқ...

Бу ҳақда Championat.asia сайти мухбири Шерзод Нурматов хабар берди.

"Жалолиддин Машариповга водий клублари қизиқаётгани бор гап. Бироқ тажрибали вингернинг Эроннинг "Истиқлол"и билан ҳали яна 1,5 йиллик шартномаси бор. Шу сабабли клуб уни қўйиб юбориши эҳтимоли жуда кам.

Айниқса, ироқлик футболчи Мунтадир Муҳаммад билан низо кузатилаётгани туфайли ФИФА "Истиқлол"га иккита трансфер ойнаси учун тақиқ қўйиши мумкин. Шу боис теҳронликлар таваккал қилмайди ва ҳозирча ўз юлдузларини қўйиб юборишни хоҳламайди", – дейилади хабарда.

Аввалроқ Transfermarkt портали Эрон чемпионати футболчиларининг янгиланган нархларини эълон қилган ва Машариповнинг ўрни маълум бўлган эди.