Расман: "Тоттенхэм" илк трансферни эълон қилди

Ўтган мавсумларда "Саутгемптон" таркибида ўйнаган Пьер-Эмил Хейберг эндиликда "шпорлар" аъзосига айланди. 25 ёшли футболчи Лондон клуби билан 5 йиллик шартномага имзо чекди. У жамоада 5-рақамли либосда ҳаракат қилади.

Олдинроқ даниялик футболчининг трансфер нархи 15 млн евро бўлиши айтилганди. Шунингдек, "Тоттенхэм" Кайл Уокер-Питерснинг "Саутгемптон"га трансфер қилинганини маълум қилди.