Расман: Луис Суарес — “Атлетико” футболчиси

“Барселона” жамоа ҳужумчиси Луис Суареснинг “Атлетико М”га ўтганини тасдиқлади. Аввалроқ Каталония клубининг Суарес трансферидан 6 млн еврогача бўлган турли хилдаги бонусларга эга бўлиши мумкинлиги айтилганди. Агар “Атлетико” ЕЧЛда 1/4 финалга чиқадиган бўлса, “Барселона” 2 млн евродан ишлаб олади.

Маълумот учун, Луис Суарес 2014 йилдан бери Каталония клуби шарафини ҳимоя қилиб келаётганди. У жамоа сафида жами 283 та ўйинда қатнашиб, 198 та гол урди. Суарес “Барселона” сафида 4 мартадан Испания чемпионлиги ва мамлакат кубогини қўлга киритди. Шунингдек, 2015 йилда ЕЧЛда ғолиб бўлди.