Пойтахтликлар сафида ўзбекистонлик вингер Асилбек Абдурасулов дебют қилди. Яқинда “Ғазалкент”дан “Астана”га ижара асосида ўтган футболчи бугунги баҳснинг 87-дақиқасида захирадан ўйинга қўшилди.
Баҳс эса “Қайрат”нинг 4:0 ҳисобидаги ғалабаси билан якунланди. Голларга Жоржиньо (10, 41), Дастан Сатпаев (22) ва Александр Мартинович (45+1) муаллифлик қилди.
“Астана” Қозоғистон чемпионатида 4 ўйиндан сўнг 7 очко билан бешинчи, “Қайрат” эса 10 очко билан етакчилик қилмоқда.
