Мамлакат чемпионати 13-тури доирасидаги "Елимай" – "Ордабаси" учрашуви бош ҳаками Арман Исмуратов қамоққа олинди. Иккала клуб раҳбарияти, футболчилар ва мухлислар ҳакамликдан норози бўлиб қолишган, ўйиндан кейин эса ҳакам билан жанжал юз берган. Кейинчалик ҳакам уйига кетиш учун аэропортга борганда, қўлга олинган.
Ижтимоий тармоқларда тарқалган видеода ҳакам Арман Исмуратовнинг "Елимай" вакилларига нисбатан ҳақоратли сўзлар ишлатгани акс этган. Суд Исмуратовни "майда безорилик"да айбдор деб топди.
Бу ҳолат Қозоғистон футболи тарихидаги илк воқеа сифатида баҳоланмоқда, яъни можаро натижасида Премьер-лига ҳаками ҳақиқий қамоқ жазосига тортилди.
Шунингдек, Қозоғистон ФФ Тартиб-интизом қўмитаси “Елимай” - “Ордабаси” учрашувидаги ҳакамлик борасида жиддий текширув ўтказишини маълум қилган.
