Қохира аҳли кеча тунда ухламади ФОТОГАЛЕРЕЯ

Учрашувда ғалаба тўпини 90+5 дақиқада Муҳаммад Салах пенальтидан киритди. Мисрнинг мундиалга чиққанини тунги Қохира қандай қарши олганини қуйида суратлар ёрдамида тасвирлаб беришга уриниб кўрамиз.

ЖЧ-2018 саралаши

Африка

"E" гуруҳи. 5-тур

Миср – Конго 2:1

Голлар: М.Салах 63, 90+5 (пен) – Бука 87

Мисрлик мухлисалар ўйин пайтида.

Болакайнинг нигоҳига эътибор беринг, у пайтда жамоа ҳали мундиал чиптасини нақд қилмаган эди.

Кечаги ўйинни бутун Қохира томоша қилди. Шаҳардаги мана шундай йирик майдонларга катта экранлар ўрнатилди ва барча аҳоли учрашувни жонли томоша қилди.

Беллашувнинг сўнгги дақиқалари ўтиб бораётган бир пайтда мухлисларнинг ҳис-ҳаяжонлари...

Ва ниҳоят, Муҳаммад Салах 90+5 дақиқада пенальтидан ғалаба тўпини киритди ва терма жамоасини Жаҳон чемпионатига олиб чиқди.

44 ёшли посбон, Миср терма жамоаси сардори Эссам Ал Хадари байрам мана шу тарзда мухлислар билан нишонлади.

Салахнинг голидан кейин нафақат стадион, балки бутун мамлакат "портлади".

28 йиллик танаффусдан кейин ЖЧга чиқишни нишонлаш мана шундай бўлади...

Кеча тунда бутун халқ мундиал йўлида бирлашди. Кеча "Ал Аҳли" ёки "Замалек" мухлиси деган тушунча йўқ эди. Бу икки жамоа ўзаро ўйнаганда мухлислар ўртасида катта тўқнашувлар содир бўлади, стадион ўриндиқлари тинимсиз синдирилади. Лекин, кеча улар бир тан-у, бир жон бўлишди.

Мундиал муборак Миср халқи!

GettyImages суратлари ёрдамида тайёрланди

Миср 28 йиллик танаффусдан кейин ЖЧ йўлланмасига эга чиқди