"Қўқон-1912": Клубимиз раҳбари 55 ёшга тўлди

Шу муносабат билан “Қўқон-1912” футбол клуби раҳбарияти, мураббийлар штаби, футболчилар, “Марказий” ўйингоҳ ва клуб ходимлари ҳамда мухлисларимиз номидан Бахтиёр акани самимий муборакбод этамиз. У кишига сиҳат-саломатлик, ишларида омад тилаб қоламиз.

Тан олиш керак сўнгги йилларда Қўқон футболи деганда, барчанинг куз ўнгида Бахтиёр ака Толипов гавдаланади. Айнан шу инсон саъи-ҳаракатлари эвазига ўзбек футболи ватани бўлмиш – Қўқонга катта футбол яна қайтди. Бугунги кунга келиб, “Қўқон-1912” клуби Ўзбекистондаги ўзини-ўзи маблағ билан таъминлайдиган ягона жамоа саналади. Бу борада ҳам  Бахтиёр аканинг ҳиссалари беқиёс.

Қўқонлик футбол мухлисларини қувонтиришга қаттиқ бел боғлаган клубимиз раҳбари ўз олдига “Қўқон-1912” жамоаси билан келгусида Осиё Чемпионлар лигасида иштирок этишни мақсад қилиб қўйган. Умуман олганда, Бахтиёр ака Толиповнинг келажакдаги режалари улкан.

ЯНА БИР БОР ТУҒИЛГАН КУН МУБОРАК, БАХТИЁРЖОН АКА!