ПСЖнинг Мбаппедан 80 млн евро қарзи бор, клуб буни тўлашдан бош тортди
29 май 20:48
Янгиликлар

ПСЖнинг Мбаппедан 80 млн евро қарзи бор, клуб буни тўлашдан бош тортди

Келишмовчилик судга оширилиши мумкин.

ПСЖ президенти Носир Ал-Хелайфи жамоадан кетаётган футболчи Килиан Мбаппедан ҳафсаласи пир бўлди ва клуб обрўсига катта таъсир кўрсатиши мумкин бўлган қарор қабул қилди.

ПСЖ билан шартномасини узайтиришдан бош тортган франциялик юлдуз эркин агент сифатида "Реал"га ўтишга деярли рози бўлди. Аммо вазият Ал-Хелайфининг Мбаппега ажратилган маблағни тўлашдан бош тортгани туфайли мураккаблашди.

Франциянинг нуфузли L’Equipe нашри хабарига кўра, ПСЖ президенти Килиан Мбаппенинг апрель ойидаги маоши ва бонусларини, хусусан, 80 миллион еврони тўлашдан бош тортган. Ал-Хелайфийнинг бу қарори франциялик форварднинг норозилигига сабаб бўлди ва эндиликда Мбаппенинг адвокатлари ишга киришди.

Ушбу пул Мбаппенинг ўтган йили жамоада қолиш ҳақидаги содиқлик қарори учун тўланиши керак эди.

Ҳавола :

Манба : L’Equipe

Янгиликларни Телеграмда ўқинг!

Рейтинг: +5