ПСЖ собиқ футболчиси: "Бензема "Олтин тўп"га лойиқ. Месси ва Роналду қариди"

"Карим "Олтин тўп"ни қўлга киритиши мумкин. Кимдир совринлар ҳақида гапириши мумкин. Бу муҳим жиҳатлардан бири холос, лекин индивидуал ҳаракатларни ҳам унутмаслик лозим, футболчи маҳорати, атрофдагиларга ижобий таъсир кўрсата олиш, фэйр-плей ва бошқалар. Етакчиликни қўлга олиш, атрофдагиларга ижобий таъсир кўрсата олишда ва фэйр-плейда Бенземага тенг келадиган футболчилар жуда кам.

Бу йил у аввалгилардан кўра кучлироқ, нозик дид билан ва техник томондан ҳам юқори савияда ўйин кўрсатмоқда. Мисол учун унинг яқинда Миллатлар Лигасида Бельгия ва Испания термалари дарвозасига урган голларини олайлик. У статистика бўйича ҳам энг яхшилардан, янги мавсумда эса бутун Европада энг яхши "тўққизлик". Шунчаки унда бу йил Евро ёки Чемпионлар Лигаси соврини йўқ. Бироқ Бензема ЕЧЛни қўлга киритган мавсумларида ҳам бу қадар яхши ўйнамаганди. Криштиану Роналду "Реал"дан кетгач, Карим ўзининг янги қирраларини кашф этиб, янги даражага чиқа олди.

"Олтин тўп"ни ўз статистикаси сабаб қўлга киритган футболчилар бўлган-ку. Криштиану Роналду – улардан бири. У жуда ажойиб эди.

Месси иқтидорлироқ, маҳоратлироқ. Аммо бу икки "маҳлуқ" қариб қолди, улар кўп нарсани бошдан ўтказишди, аммо ҳозир улар "Олтин тўп" учун курашда иштирок этмаяпти. Совринни Бенземага беринг, у бунга лойиқ", – деди Ротен.