ПСЖ асосий футболчиси билан янги шартномани келишиб олди

"Пари Сен-Жермен" Жоау Невеш билан шартномани узайтириш ниятида. Клуб бу мавсумдаги ўсишини юқори баҳолаяпти.

"Le Parisien" ахборотига кўра, 21 ёшли ярим ҳимоячи 2030 йилгача амал қиладиган янги шартномага имзо чекади.

Португалиялик хавбек Парижга "Бенфика"дан 65 млн евро эвазига келган ва атиги бир мавсум ичида унинг бозор қиймати деярли икки бараварга ошган. CIES Football Observatory’нинг январь ойидаги рейтингига кўра, португалиялик юлдуз ҳозир 130 млн еврога баҳоланмоқда — бу уни дунёдаги энг қиммат ўйинчилар орасида 8-ўринга, марказий ярим ҳимоячилар ичида эса 1-ўринга қўяди.

Невеш ўтган мавсум ПСЖ ярим ҳимоясида асосий фигура сифатида ўзини кўрсатди. Эътиборли жиҳати, Чемпионлар Лигаси финалининг старт таркибида у асосий футболчилар орасидаги энг кам маош олувчи инсон бўлган.

Янги шартнома шу номутаносибликни бартараф қилади — энди унинг молиявий шартлари жамоадаги роли ва ўйиндаги самарадорлигига мос бўлади.