ПРО-Лига, “А” гуруҳи. 6-турда энг кўп мухлис Термизда

Футбол энг аввало мухлислар учун ўйналади. Шу боис ишқибозларни стадионга жалб этиш борасида бугунги кунда кенг кўламдаги ишлар олиб борилмоқда. 6-турга келиб, бу борада бироз бўлсада ижобий ўзгаришни кўриш мумкин. Сабаби чоршанба куни бўлиб ўтган 4та ўйинга жами 10637 нафар томошабин ташриф буюрган. Бу аввалги турларга нисбатан яхшироқ кўрсаткич бўлди. Ҳар бир учрашувга ўртача 2 659 нафар мухлис демакдир.

Энг кўп ишқибоз кирган учрашув дея “Сурхон” – “Динамо” баҳсини кўрсатиш мумкин. Термиздаги “Алпомиш” стадионида бўлиб ўтган турнинг марказий ўйинни 4 802 та томошабин бевосита кузатиб борди.

Аксинча холат эса Урганчда кузатилди. “Хоразм” билан ўйинга гарчи ўтган йили олий лигада иштирок этган мамлакатимизнинг номдор жамоаси “Машъал” ташриф буюрган бўлсада, маҳаллий ишқибозларнинг қизиқиши у қадар юқори бўлмади. Чоршанба куни “Ёшлик” ўйингоҳига атига 912 нафар ишқибоз ташриф буюрди холос.

Томошабинлар ташрифи кимда қандай?

“ХОРАЗМ” – “МАШЪАЛ” – 2:2 (2:0).
Урганч шаҳри. “Ёшлик” стадиони. 912 томошабин.

“СУРХОН” – “ДИНАМО” – 2:1 (1:0).
Термиз шаҳри. “Алпомиш” стадиони. 4802 томошабин.

“ШЎРТАН” – НОРИН” -  1:2 (1:2).
Ғузор шаҳри. “Марказий” стадион. 2723 томошабин.

“ОРОЛ” – “АНДИЖОН” – 1:2 (1:1).
Нукус шаҳри. “Турон” стадиони. 2200 томошабин.