Погба: "Месси пиёда юрса уни танқид қилмайсизларку"

"Мен бошқалар фикри учун яшамайман. Ҳар бир инсоннинг ўз фикри бор ва уни ҳурмат қиламан.

Футбол ўйнайман, ўзимга ёққан ишни бажараман. Яқинларим мени қўллаб-қувватлашади. Улар мен учун муҳимроқ. Биз ҳаммани яхши кўришимиз ёки барчага ёқишимизнинг иложи йўқ.

Кимдир менга "Сени ёқтирмайман" деса, бундан ғазабланмайман. Инсоннинг бунга ҳаққи бор. Сиз мени яхши кўришга мажбур эмассиз.

Ўйин услубим ҳақида гапирадиган бўлсам, доимо шундай ҳаракат қилганман. Эришган ютуқларим айнан шу услуб туфайли бўлган. Месси пиёда юрса, уни танқид қилмайсиз-ку.

Сиз менга қандай ўйнашни ўргата олмайсиз. Ҳеч ким. Футбол шундай.

4-3-3 ўйин схемаси? Агар бу фойда бермаса, бутун маъсулият менинг бўйнимда бўлади. Тасаввур қилинг, мен яхши ўйнаяпман, аммо жамоа мағлубиятга учраяпти. Кимни танқид қилишади? Мени! Агар тўп бизда бўлмаса, қандай ўйнаш мумкин? Жамоа тўп билан бўлганда ўйинга таъсир ўтказишим мумкин.

Бу адолатсизлик ва нормал ҳолат эмас. Мени ҳамма каби муҳокама қилишмайди. Буни чақирувдек қабул қиламан.

ЖЧ-2018? Франция ғалаба қозонади дея олмайман. Биз бунга қодирмиз, аммо бошқа жамоалар ҳам шундай. 15 июлда ҳаммани учрашувга чақираман" - дейди Погба.