"Пахтакор"нинг иккита ёш тоифаси “Vista Cup 2023” мусобақасида ғолиб бўлди
31 окт 2023 12:59
Янгиликлар

"Пахтакор"нинг иккита ёш тоифаси “Vista Cup 2023” мусобақасида ғолиб бўлди

Геленджикда бўлиб ўтган турнирда "Краснодар" академияси билан бир гуруҳдан ўрин олиб финалга чиққан ёш "пахтакорчилар" бош совринга эга чиқдилар.

2011 ва 2013 йилда таваллуд топган авлод вакиллари билан турнирга йўл олган Исроил Турсунхўжаев ва Павел Пуришкин шогирдлари гуруҳ ўйинларида максимал натижа қайд этдилар.

"Пахтакор" U-12 финалда "Феникс" клубини 4:0 ҳисобда мағлубиятга учратди. 2013 йилда туғилган жамоа вакиллари эса Сочининг "Лион" жамоасини ана шундай ҳисобда ютиб кубок соҳиби бўлдилар.

Икки ёш тоифасида ҳам мусобақанинг энг яхши дарвозабони ўзбекистонликларга насиб этди, Тимур Эсонов ҳамда Ботир Бахтиёров. Мусобақа тўпурарлари ҳам айнан "Пахтакор" аъзолари бўлди, Муҳаммадаъло Нортожиев ва Амир Садрутдинов. Хумоюн Баҳодиров эса энг яхши футболчи номинациясига эга чиқди.

Ҳавола :

Манба : championat.asia

Янгиликларни Телеграмда ўқинг!

Рейтинг: +13