Парехо Нагельсманни ҳурматсизликда айблади: "Баъзида осмонга қараб тупурсангиз, бу юзингизга қараб тушиши мумкин"
13 апр 2022 10:50
Янгиликлар

Парехо Нагельсманни ҳурматсизликда айблади: "Баъзида осмонга қараб тупурсангиз, бу юзингизга қараб тушиши мумкин"

"Вильярреал" ярим ҳимоячиси Даниэль Парехо Чемпионлар Лигаси ярим финалига чиққандан сўнг "Бавария" бош мураббийи Юлиан Нагельсманни испан клубини ҳурмат қилмаганликда айблади.

"Сариқ сув ости кемаси" 1/4 финал жавоб ўйинида мюнхенликлар билан дуранг ўйнади - 1:1. "Вильярреал" икки ўйин натижасига кўра 2:1 ҳисобида ғалаба қозонди.

"Қуръа ташлаш маросимида "Бавария"га "Вильярреал" тушди ва мен танимайдиган уларнинг мураббийи нафақат клубимизга ҳурматсизлик қилди, балки у қарама-қаршилик тақдирини илк баҳсдаёқ ҳал қилишни хоҳлашини айтди. Бу ҳурматсизлик бўлди. Баъзида осмонга қараб тупурсангиз, бу юзингизга қараб тушиши мумкин", - дейди Парехо.

"Вильярреал" финал учун "Ливерпуль" - "Бенфика" жуфтлиги ғолиби билан ўйнайди.