Маълумотларга кўра, франциялик юлдуз 7 декабрь куни "Сельта"га қарши баҳсда тиззасидан жароҳат олган ва шу сабабли январь-февраль ойларидаги бир қатор ўйинларни ўтказиб юборган эди. Кеча Мбаппе тўлиқ соғайганини эълон қилди, бироқ унинг тикланиш жараёнида қизиқ воқеа юз берган.
Франциялик журналист Даниэль Риоло биринчилардан бўлиб клуб шифокорлари адашганини айтганди. Энди эса Испаниянинг машҳур "COPE" нашри журналисти Мигель Анхель Диас ҳам буни тасдиқлади: "Реал" шифокорлари Мбаппенинг жароҳатланган чап тиззаси қолиб, унинг соғлом ўнг тиззасини текширувдан ўтказишган.
Айнан мана шу пала-партишлик сабабли "Қироллик клуби" тиббий штабни истеъфога чиқаргани айтилмоқда.
