- Шахсан мен қизиқарли учрашув ўтишини таҳмин қиляпман. “Машъал” жамоаси дастлабки икки турда мағлубиятга учради. Шундай экан, улар ижобий натижа қайд этиш учун бор кучларини ишга солиши тайин. Билишимча, рақибимиз февраль ойидан бери ғалаба қозонмай келмоқда. Қолаверса, муборакликлар устози Александр Хомяков ҳар бир учрашувга алоҳида тактика ишлаб чиқади. “Машъал” жамоасидаги бир неча йиллик фаолиятим туфайли бу клуб ва унинг устози билан ўртамизда илиқ муносабатлар сақланиб қолинган. Бироқ, мен энди “Бунёдкор” аъзосиман ва чемпионлик учун курашяпман. Шундай экан, профессионал футболчи сифатида “қалдирғочлар” ғалаба қозониши учун бор куч-маҳоратимни ишга соламан, - дейди Отабек Шукуров.
