UZ

Сўнгги янгиликлар

02:34"Спортинг" раҳбари Гёкерешнинг йиғинга келмагани ҳақида: "Даҳолар босим ўтказиш орқали трансферни осонлаштирамиз деб ўйлашади, аммо бу уни қийинлаштиради. Ҳаммаси катта жарима ва кечирим сўраш билан ҳал бўлади"  0 00:55Футзал. "Қизилқум" ўтиш ўйинида "Пахтакор"ни мағлуб этиб, Олий лигага йўлланма олди  0 00:22"Челси"га Доннарумма ёқади. Футболчи КЖЧдан сўнг битим борасида қарор қабул қилади  2 23:58Шквирин "Андижон"да  3 23:31Суперлигада 2025 йилги мавсумнинг илк қисмидаги энг яхши 10 ўйинчи  4 22:36"Барселона"га "Челси" форварди керак  6 22:11ЦСКА ва Аббос Файзуллаев — Россия Суперкубоги соҳиби  9 21:40Элдор Шомуродов нега айнан "Истанбул Башакшеҳир"ни танлади?  8 20:48"Ливерпуль" футболчиси "Реал"га ўтишга тайёр  4 20:20Неймар қиз фарзандли бўлди, Роналду яхтада Жоржина билан сайрга чиқди. Футбол юлдузлари ҳафтани қандай ўтказди?  4 19:55Тебас "Реал"нинг Ла Лигадаги биринчи ўйинини кўчирилмаслигини айтди  9 19:24"Ювентус" футболчиси Дуглас Луис фаолиятини АПЛда давом эттириши мумкин  1 18:59"Арсенал" "Барселона" ярим ҳимоячиси учун курашга қўшилди  19 18:52"Навбаҳор", "Динамо", "Бухоро"га жарима ва яна кўплаб қарорлар – Тартиб-интизом қўмитасининг навбатдаги йиғилиши тафсилотлари  16 18:29Эшитдик-да! Жамшид "Нефтчи"дан "Навбаҳор"га қайтмоқда  21

Отабек Ғуломхўжаев: "Ҳақиқий кучимиз саралаш ўйинларида кўринади" (давоми) Янгиликлар

Отабек Ғуломхўжаев: "Ҳақиқий кучимиз саралаш ўйинларида кўринади" (давоми)

Ўзбекистон U-19 терма жамоаси бош мураббийи Отабек Ғуломхўжаев билан суҳбатимиз бирмунча узоқ давом этди.

Ўқувчилар интервьюнинг биринчи қисмини кеча мутолаа қилдилар. 

Отабек Ғуломхўжаев: "Ҳақиқий кучимиз саралаш ўйинларида кўринади" (1-қисм)

Суҳбат мобайнида Отабек Ғуломхўжаевнинг ички кечинмаларини, шунингдек бошқа мураббийлар билан ўзаро муносабати қай даражада эканлигини билишга ҳаракат қилдим. Қуйида мазкур интервьюнинг давомини ўқишингиз мумкин. 


- Ўзбекистон U-19 терма жамоасининг қайси чизиғидан кўнглингиз тўқ ва қайси чизиқ устида кўпроқ ишлаш керак деб ҳисоблайсиз? 

- Дарвоза ва ярим ҳимоядан кўнглим тўқ. Лекин марказий ҳимоядан ҳеч кўнглим тўлмаяпти. Бизга яхши марказий ҳимоячилар керак ва бу борада селекция ишларини олиб боряпмиз.

 

- Ҳимоядаги муаммолар CAFA U-19 Championship мусобақасида ҳам кўзга ташландими? 

- Ҳа. Тожикистондаги турнир давомида ҳимоя чизиғида бир нечта ўзгаришларни синаб кўрдик. Бу мусобақада керак пайтда ҳимоявий ўйнадик, керак пайтда юқори прессинг ишлатдик, ўтказиб юборилган голларда хатоларимизни кўриб олдик. Ва айтишим мумкинки, хато саралаш ўйинларида эмас, балки шу мусобақада кўзга ташлангани яхши бўлди. Биз қайси камчиликларни бартараф этиш кераклигини энди яхшироқ биламиз.


- Афғонистон қандай таассурот қолдирди? Ҳар ҳолда U-19 Осиё чемпионати саралашида бу жамоа билан бир гуруҳда ўйнаймиз. 

- Энди уларнинг ҳам ҳаракат қилаётгани кўриниб турибди. Футболчиларида иштиёқ юқори, лекин биз улардан устунмиз. Балки кимдир 2:2 ўйнадинглар, нималар деяпсиз дейиши мумкин, лекин хоҳласак бу жамоага бешта гол урамиз. Фақат CAFA U-19 Championship мусобақасида кутилмаган дуранг қайд этилди. Учрашув охиригача 2:0 ҳисобида ютиб тургандик, охирги 10 дақиқада иккита гол ўтказиб юбордик. Осиё чемпионати саралаш босқичида бу жамоага қарши қийналмаймиз деб ўйлайман.

 

- Иш фаолиятингизда қайси мураббийлардан маслаҳат олиб турасиз? 

- Андрей Шипилов, Вадим Абрамов каби мураббийлардан кўп маслаҳат олганман. Менга айниқса Вадим Абрамовнинг футболчилар билан гаплашиши ёқади. У киши кимга қандай муомала қилиш кераклигини жуда яхши билади. “Насаф” бош мураббийи Рўзиқул Бердиевнинг ҳам ишини мунтазам кузатиб бораман.


Андижонда иш бошлаган Александр Хомяковни қаттиқ ҳурмат қиламан. Машғулотларни ташкил қилиш ва ўтказиш жараёни борасида Хомяковдан кўп маслаҳат сўраганман. Ҳатто у кишининг машғулот ўтказиш жараёнини флешкамга ёзиб олгандим. Тўғриси, мен ўқиб ўрганишдан ҳеч қачон чекинмайман ва кимдан бирон нимани сўраш керак бўлса, сўрашдан асло уялмайман. Умуман олганда қайси мураббий ишлаётган бўлса, бориб нимадир ўрганишга ҳаракат қиламан: болалар мураббийими ё Суперлига жамоаси мураббийими, бунинг менга фарқи йўқ.

 

- Устоз-мураббий сифатида кимларни кўрсата оласиз? 

- Менга нимадир ўргатган ҳар бир мураббийни ўзимга устоз деб биламан. Агар фаолиятимга катта таъсир кўрсатган устозлар ҳақида гап кетса, биринчи навбатда Сайфиддин Эрматовни тилга олган бўлардим. У киши менга кўп нарса ўргатган. Мураббий бўлишимга Дилшод Нуралиев, Ленур Еремеев каби мутахассисларнинг қўшган ҳиссаси катта. Самвел Бабаян эса ўша пайтда менга ишонч билдириб "Пахтакор"нинг 1995 йилда туғилган футболчиларни топширганди. Шунингдек, Миржалол Қосимов, Вадим Шодиматов, Сергей Лушан каби мураббийлардан ҳам миннатдорман.

  

- Ҳеч Эктор Купернинг иш услубига қизиқиб кўрдингизми?  

- Купер жуда тиғиз одам, унинг бўш пайти кам. Аргентиналик мураббийдан ўрганса бўладиган жиҳатлар кўп, аммо ўз навбатида менга унчалик ёқмайдиган усуллари ҳам бор. Масалан, ҳимоявий тактика танлашини унчалик хушламайман. Энди бу ўзимнинг шахсий фикрим. Чунки бизда ижрочилар бор ва бемалол футболчилар кучидан фойдаланиб ишласа бўлади. Мен Куперга маслаҳат беришга ожизман, фақат ўз кузатувим бўйича терма жамоа ҳимоявий ўйнамасин дейман.


- U-19 Осиё чемпионати регламентига кўра, терма жамоалар саралаш босқичида 11та гуруҳга бўлинади. Ҳар бир гуруҳ ғолиби ва 4та энг яхши иккинчи ўрин эгаси қитъа биринчилига йўлланма олади. Жамоамизнинг салоҳияти ва кучидан келиб чиқиб ички ҳиссиёт нима деяпти: биз Осиё чемпионатига борамизми? 

- Ичимда жамоага нисбатан ишонч бор. Биз Саудия Арабистонига гуруҳда биринчи ўринни эгаллаш учун борамиз. Агар ҳаммаси кўнгилдагидек кечса, мана кўрасиз уйга Осиё чемпионати йўлланмаси билан қайтамиз. 

Х.Холиқов суҳбатлашди.

Рейтинг: +8   

Фикрлар

championat.asia
< сўнгги янгиликларни кўриш
Яндекс.Метрика