Оскар футболчилик фаолиятини якунлади
13 дек 2025 00:16
Янгиликлар

Оскар футболчилик фаолиятини якунлади

"Челси", "Сан-Паулу" каби жамоаларнинг собиқ футболчиси Оскар "бутсаларини михга илишга" қарор қилди.

ESPN маълумотига кўра, футболчи дўстлари ва яқинларига соғлиги сабабли футбол ўйнамаслиги кераклигини айтган.

Оскар 11 ноябрь куни "Сан-Паулу"нинг йиғини доирасида клуб машғулот марказида машғулот пайтида ҳушидан кетиб қолган ва 5 кун давомида шифохонада ётганди.

Ўшанда Оскарга қон босими ва юрак уриш тезлигининг пасайиши натижасида қисқа муддатли ҳушдан кетиш, яъни вазовагал сенкоп ташхиси қўйилди.

Яқин вақтларда клуб раҳбарияти ва Оскар ўртасида учрашув бўлади. Унда Оскарга мураббийлар штабидан иш таклиф қилиниши кутилмоқда.

Ҳавола :

Манба : ESPN

Янгиликларни Телеграмда ўқинг!

Рейтинг: +2