"Оқ-тепа" стадионида кечган финал ўйинида "Оқ-тепа" ва "Бунёдкор" жамоалари ўзаро баҳс олиб боришди. Қизиқарли кечган беллашувда "Оқ-тепа" футболчилари 5:1 ҳисобида зафар қучишди.
Маълумот учун, иккала клуб ҳам бу мавсум Тошкент шаҳар иккинчи лига турнирида иштирок этади. Ўйин якунига етгач, ҳар иккала жамоага махсус диплом, шунингдек ғолиб жамоа "Оқ-тепа"га бош соврин кубок топширилди.
"Наврўз Кубоги-2018". Финал. 5 апрель.
"Бунёдкор" - "Оқ-тепа" 1:5
Ҳакамлар: Аҳрол Рисқуллаев, Ришат Нугманов, Дониёр Сайловов, Рашид Худойберганов.
Назоратчи: Марат Исмоилов.
Голлар: Илҳом Аҳмедов (73) - Жавоҳир Омонов (13), Шаҳбоз Тожиев (45+2), Павел Соломин (50), Шоҳруҳ Ҳикматов (61, 82).
