Bu haqda "Opta Analyst" xabar bermoqda.
Hozirgi holatga ko'ra, "Arsenal"ning chempion bo'lish imkoniyati 87,26% deb baholanmoqda. "Manchester Siti"ning g'alaba qozonish ehtimoli esa 12,74% ga teng. Qayd etish joizki, 32-turgacha londonliklarning imkoniyati ancha yuqori - 97,7% edi.
Bunday keskin o'zgarishga 32-tur natijalari sabab bo'ldi. Mikel Arteta shogirdlari kutilmaganda "Bornmut"ga imkoniyatni boy berishdi (1:2). Xosep Gvardiola jamoasi esa safarda "Chelsi"ni tor-mor etdi (3:0).
Ayni damda "Arsenal" 70 ochko bilan turnir jadvalida peshqadamlik qilmoqda. "Manchester Siti" 64 ochko bilan ikkinchi o'rinda bormoqda, biroq "shaharliklar"da bitta zaxira o'yini mavjud.
Eslatib o'tamiz, navbatdagi turda ushbu ikki jamoa o'zaro to'qnashuv kelishadi. Chempionlik taqdirini hal qilishi mumkin bo'lgan ushbu superbahs 19 aprel kuni "Etixad" stadionida bo'lib o'tadi.
