"Олтин тўп" тақдирлаш маросими 23:30 да бошланади, рейтингдаги ўринлар эса 19:30 дан бошлаб эълон қилиб борилади

Жаҳон футболидаги асосий индивидуал совринга даъвогарлар рейтингидаги ўринларни эълон қилиш Тошкент вақти билан соат 19:30 да старт олади. 22:00 гача 30-ўриндан 11-ўрингача ўринлар очиқланади.

Соат 23:30 да асосий тантанали маросим бошланади, унда энг кучли 10 нафар даъвогар ва "Олтин тўп" соҳиби ҳамда маросимнинг бошқа совринлари маълум қилинади.

Шунингдек, бугун аёллар "Олтин тўп"и, энг яхши дарвозабон учун Лев Яшин мукофоти, энг яхши ҳужумчи учун Герд Мюллер мукофоти, энг яхши ёш футболчи учун Kopa Trophy, энг яхши клуб мукофоти, шунингдек, "чемпионлар томонидан амалга оширилган бирдамликнинг энг яхши ҳаракатлари учун" Сократес номидаги соврин топширилади. 

Бу йил "Олтин тўп" биринчи марта календар йилида эмас, балки бир мавсумдаги кўрсаткичлар натижаларига кўра топширилиши кутилмоқда.

"Олтин тўп-2022"ни қўлга киритишга 30 нафар номзод бор:

Тибо Куртуа ("Реал", Бельгия)

Рафаэл Леау ("Милан", Португалия)

Кристофер Нкунку ("Лейпциг", Франция)

Муҳаммад Салоҳ ("Ливерпуль", Миср)

Жошуа Киммих ("Бавария", Германия)

Трент Александер-Арнольд ("Ливерпуль", Англия)

Винисиус Жуниор ("Реал", Бразилия)

Бернарду Силва ("Манчестер Сити", Португалия)

Луис Диас ("Ливерпуль", Колумбия)

Роберт Левандовски ("Барселона" / "Бавария", Польша)

Рияд Марез ("Манчестер Сити", Жазоир)

Каземиро ("Манчестер Юнайтед" / "Реал", Бразилия)

Сон Хён Мин ("Тоттенхэм", Жанубий Корея)

Фабиньо ("Ливерпуль", Бразилия)

Карим Бензема ("Реал", Франция)

Филип Фоден ("Манчестер Сити", Англия)

Ҳарри Кейн ("Тоттенхэм", Англия)

Садио Мане ("Бавария" / "Ливерпуль", Сенегал)

Дарвин Нуньес ("Ливерпуль" / "Бенфика", Уругвай)

Майк Меньян ("Милан", Франция)

Кевин де Брюйне ("Манчестер Сити", Бельгия)

Себастьян Алле ("Боруссия" Дортмунд / "Аякс", Кот-д′Ивуар)

Лука Модрич ("Реал", Хорватия)

Криштиану Роналду ("Манчестер Юнайтед", Португалия)

Антонио Рюдигер ("Реал" / "Челси", Германия)

Жоау Канселу ("Манчестер Сити", Португалия)

Эрлинг Ҳоланд ("Манчестер Сити" / "Боруссия" Дортмунд, Норвегия)

Килиан Мбаппе (ПСЖ, Франция)

Виржил ван Дейк ("Ливерпуль", Нидерландия)

Душан Влахович ("Ювентус", Сербия)

2021 йилда бу йил номзодлар рўйхатига киритилмаган парижликлар ҳужумчиси Лионель Месси ўзининг еттинчи "Олтин тўп"ини қўлга киритган эди.